Visited Mayboli Sakshamata Foundation's exhibition of products made by persons with disabilities. (Original post in Marathi below.)
आज मायबोली सक्षमत्ता फाउंडेशनच्या वतीने आयोजित कार्यक्रमाला उपस्थित राहून दिव्यांग बांधवांच्या कलागुणांना, कौशल्यांना आणि स्वावलंबनाच्या प्रयत्नांना प्रोत्साहन देण्याची संधी मिळाली.
दिव्यांग व्यक्तींनी स्वतःच्या मेहनतीतून तयार केलेल्या विविध वस्तूंचे प्रदर्शन आणि विक्री हा या उपक्रमाचा विशेष भाग होता. त्यांच्या कलाकृतींमधून दिसणारी मेहनत, जिद्द आणि आत्मविश्वास खरोखरच प्रेरणादायी आहे. अशा उपक्रमांमुळे त्यांच्या कौशल्यांना योग्य व्यासपीठ मिळते, आर्थिक स्वावलंबनाला चालना मिळते आणि समाजात समान संधींचे महत्त्व अधोरेखित होते.
दिव्यांग व्यक्तींना सहानुभूतीपेक्षा समान संधी, प्रोत्साहन आणि स्वावलंबनासाठी योग्य पाठबळ देणे ही आपली सामूहिक जबाबदारी आहे. त्यांच्या कर्तृत्वाचा सन्मान करून त्यांना आत्मविश्वासाने पुढे जाण्यासाठी प्रोत्साहित करणे, हाच खऱ्या अर्थाने सामाजिक सेवेचा उद्देश आहे.
या सुंदर आणि समाजोपयोगी उपक्रमाचे आयोजन केल्याबद्दल मायबोली सक्षमत्ता फाउंडेशनच्या संस्थापक सौ. प्रीती शिरोडे यांचे विशेष आभार! त्यांच्या पुढाकारातून दिव्यांग बांधवांना स्वावलंबनाच्या दिशेने वाटचाल करण्यासाठी मिळणारे व्यासपीठ निश्चितच कौतुकास्पद आहे.
मायबोली सक्षमत्ता फाउंडेशनच्या पुढील वाटचालीस मनःपूर्वक शुभेच्छा!
आपली,
सौ. सपना आनंद छाजेड
नगरसेविका, पुणे महानगरपालिका · उपाध्यक्षा, शहर सुधारणा समिती